Tesla си го исполни планот да испорача 50.000 електрични возила во 2015 година, надминувајќи ја бројката со само неколку стотина возила, пренесува Fast Company. Но, иако Tesla Model S станува сѐ попопуларен (веќе има и еден модел во Македонија), компанијата сепак се соочува со проблем.
Возилата се прескапи во моментот, над 60.000 долари, и желбата да се поседува Tesla автомобил, не оди паралелно со бројките од продажбата. Најизненадувачки во моментов е што новиот модел на луксузно теренско возило Model X не успева да се продава. Откако беше претставен новиот автомобил во септември 2015-та, само 208 Model X автомобили беа продадени. Проблемот се чини дека не е единствено во недостатокот за интерес, туку и во малиот број на произведени возила. Сите 507 произведени автомобили се или продадени или ќе бидат испорачани.
Добра вест за Tesla е дека испораката на масовно произведуваниот Model S е зголемена за 75 отсто. За првата половина на 2016 година Tesla ја најави презентацијата на Model 3 кој ќе биде достапен дури по една година.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
