Во април направивме експеримент, проверка на безбедноста на неколку .gov и .edu.mk сајтови. Целта беше да информираме за безбедноста, да посочиме на ранливостите. Но, се чини ништо не е сменето.
Надополнето 29.08.10: Сега е и официјално дека Кевин Митник ќе биде во Скопје од 21 до 26 октомври. Неговите две предавања ：The Art of Intrusion and The Art of Deception ќе бидат во хотелот Александар Палас во Скопје. Целиот настан е организиран од маркетинг компанијата Озеха P3.
Mozilla ја подобри наградата од 500 на 3.000 долари за откривање на критични ранливости. Bug Bounty програматаа стартуваше во 2004 година, а сега покрај наградите и стандардните Firefox и Thunderbird, се додадени за тестирање и мобилниот Firefox и други Mozilla сервиси.
Аргентинскиот хакер и истражувач Ch Russó користејќи неколку SQL Injection напади го проби озогласениот торент сајт откривајќи лични информации на корисниците, како нивните имејл и IP адреси.
Google им забрани на своите вработени да користат Windows. Гигантот е загрижен за безбедноста, после инцидентите со кинеските хакери, по што го забрани популарниот оперативен систем предлагајќи им алтернатива на новите вработени - или Mac OS или Linux, пренесува Financial Times.
Ричард М. Сталман, таткото на GNU, на 3-ти јуни 2010 на покана од Слободен софтвер Македонија доаѓа во Скопје и ќе одржи предавање насловено „Copyright vs Community in the age of computer networks". Предавањето ќе се одржи во салата "Милениум 2" во хотелот "ХолидејИн", влезот е слободен и отворен за сите, предавањето започнува во 18:00 часот и ќе биде на англиски јазик.
Хакер познат како Kirllos продава 1.5 милиони пробиени Facebook профили по цена од 0.25 цента за профил, односно 25 долари за 1000 кориснички имиња и лозинки, пренесува Mashable повикувајќи се на податоци на безбедноснате експерти од VeriSign iDefense.
При истражувањето на кинеските хакерски напади врз Google се откри дека хакерите целале кон Gaia сервисот за лозинки на гигантот кој ги контролира сите кориснички пристапи до сите сервиси на Google вклучувајќи го имејл и бизнис сервисите.
Канадски и американски безбедносни експерти открија софистицирана мрежа за сајбер шпионирање поставена од сервери во Кина. Споре експертите, „Сенката“, како што ја нарекоа мрежата, се користела за крадење документи од Обединетите Нации, украдени се документи од НАТО операции во Авганистан, собрани се лични детали за индивидуалци во индиската влада и војска, се следеле новинари заинтересирани за Кина, и се соберени сите приватниот имејл пораки од изминатата година на тибетанскиот водач Далеј Лама. Но... оваа мрежа не е поврзана со неодамнешните напади врз Google кои доведоа интернет пребарувачот да влезе во конфликт со Кина.
Сајбер-војна или обично препукување? На почетокот на овој месец се појавија два инциденти кои вклучуваат хакерски упади и претседателски сајтови. Прво беше хакнат сајтот на македонскиот претседател Бранко Црвенковски oд хакерската група Kosova Hackers Group (KHG). Taa вест се појави на националните медиуми со извичник на крај на насловот. Извичникот значи нешто сериозно, како на пример, упад на претседателски сајт, сајт на највлијателниот човек во една земја. Евентуално пораката на KHG оставена на сајтот на македонскиот претседател беше тргната. Но проблемот со безбедноста на важни сајтови застана тукa.
