IT.com.mk во соработка со Zero Science Lab направи експеримент за безбедноста на десетина .mk сајтови и откривме дека многу сајтови на значајни институции, како customs.gov.mk, sobranie.mk или ukim.edu.mk, имаат ранливост на XSS напад.
Министерството за информатичко општество објави работната верзија на „Стратегијата за е-Влада 2010 - 2012“ и ги повика граѓаните да споделат идеи и предлози. „Земајќи во предвид дека при подготовката на овој документ сакаме да ги вклучиме сите засегнати страни, подолу на страницата Ви ја ставаме на располагање работната верзија на Стратегијата за е-влада на која можете да давате Ваши предлози и забелешки.“ пишува МИО.
Воведување, развивање и одржување на систем за интероперабилност на регистрите и базите на податоци меѓу државните институции, e проектот на Министерството за информатичко општество (МИО). Интероперабилност значи администрациите да бидат поврзани меѓу себе и да си разменуваат податоци по електронски пат.
