Intel со Core M-серијата на процесори сака да ја донесе моќта од десктоп на таблет комјутерите. Ова се разбира значи дека новите процесори ќе мораат да имаат поскромна потрошувачка на енергија, имајќи го во предвид капацитетот на батериите. Новата серија ќе биде базиран на i3, i5 и i7 процесорите, а главна карактеристика им е што ќе имаат потрошувачка на енергија помала од 10 вати. „Ова е најштедливиот процесор во историјата на Intel“, вели Рене Џејмс, претседателот на Intel.
Компанијата веќе го презентираше првиот Core M хибриден таблет кој засега е сè уште e протототип. Таблетот е со 12,5 инчен дисплеј и Core M кои е познат и како Broadwell Y. Според компанијата таблетот е полесен од iPad Air, со процесори кои се помоќни од десктоп процесор. Asustek е првата компанија која најавува дека дека ќе ги користи Core M процесорите во своите уреди, а првите компјутери ќе се појават до крајот на 2014 година.
Со оглед на намалената продажба на десктоп компјутери, Intel се обидува да се пробие на пазарот за хибридни и таблет компјутери. Досега главен адут на Intel на овој пазар е Atom, кој барем засега не успеа да го освои пазарот на кој сè уште владеат ARM процесорите.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
