Креаторот на ManageWP, српскиот стартап Devana Technologies, кој од неодамна е дел од GoDaddy престанува да постои како Devana Technologies. Целиот тим на компанијата сега е дел на GoDaddy, а компанијата и официјалнo отвара канцеларии во Србија, јави Netokracija.
Devana Technologies е лансиран од 2012 и немаат надворешни инвестиции. Целото решение е во сопственост на компанијата, па сите пари од GoDаddy ќе останат во компанијата. Стартапот за околу четири години имаше одржлив, докажан производ, а ова го привлече GoDaddy. Во 2015 ManageWP заработи над 1 милион долари.
Целиот тим на Devana останува во Србија, со исклучок на основачот Владимир Преловац кој се сели во Силициумската долина.
„Мислам дека целиот тим одлично ги прифати промените. Планираме да продолжиме со ширење со слично, ако не и побрзо темпо отколку досега. Веќе работам на позиција Senior Director of Product во GoDaddy. Промените и предизвикот ми влијаат позитивно. Сигурен сум дека имам уште многу за учење од новите колеги и од раководството во мојата нова компанија.“, вели Владимир Преловац.
Влезот на гигант како GoDaddy е од исклучително значење за Србија. Домашните кадри ќе имаат пристап до знање и искуство од Силициумската долина. Ова во иднина ќе се прошири и подалеку од GoDaddy WordPress Europe, на целата ИТ заедница во Србија, констатира г. Преловац.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Upshift Engineering 
Native Teams 
