Пред точно 30 години, во далечната 1981, системот QDOS беше купен од една компјутерска компанија наречена Microsoft, и стана познат како MS-DOS, или Microsoft Disk Operating System. Таа мала бизнис зделка ќе го направи Бил Гејтс еден од најбогатите луѓе во светот.
Процесорот врз кој е направен првичниот оперативен систем QDOS, наречен Intel 8088, најпрво бeше наменет за оперативниот систем CP/M-86 на компанијата Digital Research, но бидејќи беше спремен месеци пред оперативниот систем, Тим Питерсон за да го тестира процесорот разви едноставен оперативен систем кој се базираше на CP/M-86. Овој оперативен систем ќе стане познат како QDOS, скратено за Quick and Dirty Operating System.
Во тоа време IBM направи компјутер кој зависи од Intel 8088 и за кој им беше потребен оперативен систем за него. Бил Гејтс се понудил неговата компанија, Microsoft, да направи оперативен систем, но како што претпоставувате, отиде кај Питерсон и за 50.000 долари го купи веќе постоечкиот QDOS, преименувајќи го во MS-DOS. IBM пред да се упатат кај Бил Гејтс, за својот компјутер го планирале оперативниот систем CP/M-86, но за жал не успеаја да постигнат договор.
Бил Гејтс потоа направи одличен потег задржувајќи ги правата оперативниот систем MS-DOS да биде продаван одделно од компјутерите на IBM. Овој потег ќе му донесе на Microsoft многу пари. MS-DOS престанува да се произведува во 1995, кога излегува Windows 95.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
сечам се…