DOS ерата е далеку зад нас, но тоа не значи дека не можеме да ѝ се навратиме преку бројни интересни игри. DOS Games Archive e корисен веб сајт кој постои уште од 1998-та година. Добри 26 години, веб сајтот се труди да им дозволи да гејмерите легални начини за уживање во компјутерски игри кои биле правени за MS-DOS оперативниот систем.
Дали знаевте дека:
- MS-DOS е акроним од Microsoft Disk Operating System
- Првиот MS-DOS систем се појавил во 1981 година, а последната верзија излегла во 2000 година.
- Има 8096 DOS видео игри кои се направени од 3703 девелопери и издавачи
Во моментот кога ќе го посетите веб сајтот, ќе наидете на бројни категории како авантура, тркање, шутери, или спорт. По одбирање на категорија, за секоја од игрите ќе добиете информација дали може да се преземе, игра онлајн или пак купи. Паралелно со ова, јасно се гледа годината на излегувањето на играта, како и тоа дали се работи за shareware, демо, или пак целосна верзија на играта.
Корисна DOS терминологија:
- Shareware игрите беа пробни верзии пропратени со временски или функционални ограничувања
- Freeware игрите беа бесплатни и без никакви ограничувања за крајниот корисник
- Abandonware е игра од која издавачите кренале раце. Се работи за целосна верзија, обично дистрибуирана од трети лица
DOS Games Archive ви дозволува да заиграте 1471 DOS игра. 1,045 игри може инстантно да се играат онлајн, додека 261 може да се купат од сајтови како GOG. На сајтот можете точно да видите каков е правниот статус и правата за дистрибуција. Имајте во предвид дека иако се работи за исклучително стари игри, многу издавачи и понатаму имаат имплементирано ригорозни авторски права.
WePlayDOS.games ве враќа во детските безгрижни денови
WePlayDOS.games e уште еден веб сајт кој има за мисија да ви дозволи да заиграте бројни игри од минатото. На сличен принцип како и DOS Games Archive и овде ќе можете да ги заиграте најпопуларните игри од DOS ерата, почнувајќи со Wing Commander и Ultima, па сѐ до Monkey Island, Sid Meier’s Civilization, и SimCity. За да одиграте некоја игра, кликнете на истата, па потоа на копчето Play game now!
Која била првата DOS игра?
Првата комерцијална DOS игра се викала Arithmetic Games Set 1. Според бројни показатели, се развивала до 1 август 1981 година, а излегла месец подоцна. Играта е достапна и преку Internet Archive – сајт преку кој можете да играте и бројни флеш игри!
Која е вашата омилена DOS игра? Кажете ни во коментарите или на социјалните мрежи! Во случај да барате нови игри кои пливаат во ретро водите, проверете ја Exophobia или пак феноменалната Warhammer 40,000: Boltgun!
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
