PC Game Pass e одлична опција доколку сакате многу игри за малку пари. За 400 денари месечно можете да играте стотици игри, почнувајќи од невообичаени инди хитови, како From Space, па сѐ до ААА ултра познати наслови, како Starfield. Во оваа прилика на кратко би сакале да ве запознаеме со најновите 5 игри кои можат да се најдат преку услугата така што ќе понудиме краток опис и трејлер.
Кои се најновите 5 игри кои можат да се играат на PC Game Pass?
1. Persona 5 Tactica
Најновата игра на Atlus, Persona 5 Tactica успева да понуди нова, 20 часовна приказна во поразлично визуелно пакување, но со истата и добро-препознатлива драма и експлозивна акција. На располагање имате бројни, моќни персони и арсенал од ефикасни оружја.
2. Spirittea
Во форма на life sim, Spirittea ви раскажува впечатлива приказна во ретро-инспирирана графика каде е потребно да ги решите проблемите на духовите, да создавате нови пријателства, но и да ги искустите сите предизвици на имање здодевна работа. Доколку сте по интересна приказна, но скромни гејмплеј механики, ова е игра за вас.
3. Like a Dragon Gaiden: The Man Who Erased His Name
Најновата игра од овој серијал ја топло препорачуваме независно од тоа дали сакате или не боречки игри. Like a Dragon Gaiden: The Man Who Erased His Name изобилува со можности за спектакуларни пресметки преку бројни непријатели, користење две уникатни форми на борбени вештини и арсенал од комбо движења. Покрај 10 часовната приказна ќе можете да пеете, пиете или пак да се тркате до бесвест.
4. Dungeons 4
Со Dungeons 4, Realmforge Studios се има потрудено да не ги разочара децениски старите фанови кои уживаат во градење бази и имплементирање злобни тактики во реално време. Прочитајте ја нашата рецензија и проверете ја и самите играта, доколку имате PC Game Pass.
5. Football Manager 2024
A, за спортските ентузијасти им препорачуваме да навлезат во најновиот FM и одново да си ја пробаат среќата со создавање и управување на нов фудбалски тим, како и со справување со сите предизвици поврзани со тоа. Играта не воведува ништо спектакуларно и не го тектонски поместува претходно-воспоставениот урнек, но, доколку уживавте во претходните игри, насловот нуди суптилно надградени механики.
Тоа беа најновите 5 игри кои можете да ги најдете на PC Game Pass. Во случај да сакате да дознаете нешто повеќе за Xbox Game Pass, прочитајте го нашиот текст на таа тема тука! A, во случај да сеуште не се ја купиле најновата конзола на Microsoft, на следниот линк ќе можете да прочитате што мора да знаете пред да купите Xbox One или Series S/X!
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
