{mosimage} Со Opera 10 доаѓа и најновиот сервис – Оpera Unite што е всушност веб сервер вметнат во веб прелистувач. Со Unite ќе можете да споделувате слики и фајлови, да комуницирате и да си до хостирате својот сајт директно од вашиот компјутер. Идејата е споделувањето да биде преку вашиот и компјутерот на вашиот пријател, без апликации од трети-страни.
„Opera Unite сега го децентрализира и демократизира облакот. Со серверската можност на овој прелистувач, веб инжинерите и програмерите можат да направат веб апликаци со леснотија. Корисниците ја имаат флексибилноста да си одберат приватен и ефикасен начин за споделување информации. Веруваме дека Opera Unite е една од нашите најважни иновации до сега, бидејќи ја променува основата на мрежата“ рече Јон вон Тетшнер, директорот на Opera.
Opera Unite функционира така што за секое споделување, за секој свој сервис како што се: веб сервер за сајтови или споделување на фотографии, споделување на фајлови… дава директен URL со пристап до фолдерите од вашиот компјутер кои преку Unitе сте ги одбрале да ги споделите, односно сте ги обележале како јавни.
Со овој сервис Opera може да грабне поголем дел од пазарот на прелистувачи. Иако Opera е трета на пазарот со 40 милиони корисници, сепак има само 4-5 oтсто, што е многу зад Internet Explorer и Mozilla Firefox кои имаат 60%, односно 30%.
Но Opera Unite е интересен сервис кој е се уште во развој и кој има потенцијал да ги промени интернетот.
„Првичните апликации кои се понудени на Opera Unite се само привично демо…. Со Opera Unite апликациите можат да бидат баш се. Се зависи од програмерите, компаниите, претприемачите, крајните корисници и секој кој има визија за лична мрежа, кој може да ја искористи таа визија и да ги изгради следната генерација на апликации што ќе ги зближат луѓето онлајн на нов начин.“ – Лоренс Енг од Opera го објаснува сервисот и идејата зад него.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
