RFduino е мала како монета независна Arduino-компатибилна плочка со отворен код која може да се вметне во било кој ваш проект. Работи на моќен ARM Cortex процесор и може да се напојува преку штекер, USB или од малите батерии како монети.
Дизајниран е од Армен Казанчиан и во моментот на KickStarter се собира потребната сума за реализирање на RFduino плочките. Исто така, плочката е опремена со Bluetooth 4.0, со што му се овозможува на корисникот да комуницира преку својот iPhone и му овозможува на телефонот да чита и мери физички објекти.
Со уредот ќе можете да мерите температура, од далечина да ја мерите волтажата на батеријата, да контролирате LCD екрани, да контролирате нешто директно преку вашиот iPhone и многу други интересни работи. Доколку ви се допаѓа RFduino ќе може да го добиете со донација од 15 долари. Со 22 останати денови се соберени над 22.000 долари, што е над четири пати повеќе од 5-те илјади кои беа побарани.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
