Во Кина, 71 годишната чистачка на кондури Шуфанг Зонг со помош на друштвените медиуми испрати фотографија до ќерка си со која се нема видено 5 години.
Работејќи на улица, вниманието на Шуфанг Зонг и го привлекол корисник на iPad кој го држел уредот во рака. Таа го замолила да ја слика и да испрати слика од неа на нејзината ќерка. Тие немало шанса да се видат, ќерката живеела предалеку, а Шуфанг ниту имала пристап до Интернет, а и да имала, не би знаела како да го користи. Телефонскиот број на ќерка си не го знаела. Тоа што знаела е што и го кажала ќерка и – дека преку интернет може да се праќаат слики.
Бидејќи во близина немало Wi-Fi конекција, човекот ја сликал Шуфанг и подоцна ја објавува на Weibo – кинеска алтернатива на Twitter. Набргу сликата е репостирана повеќе од 100.000 пати, а подоцна и локалните вести ја објавиле сликата. Неколку дена подоцна, ќерката ја пронаоѓа сликата на Интернет, и после 5 години го гледа ликот на својата мајка.
Ова е уште еден доказ дека денес со технологијата многу малку нешта може да се класифицираат како невозможни и дека Интернетот може да ги зближи и поврзе луѓето кои долго се разделени.
(via PetaPixel)
