Продолжува потрагата по начини да се синхронизираат Facebook и Google+… со Google+ добивме уште едно место *плус* на кое треба да објавуваме статуси и да бидеме активни, но благодарение на упорноста на некои корисници, откривме дека постои начин како со мал трик да си ја олесните работата и со “еден удар да утепате две муви” при објавување на статуси.
За да објавувате еден ист статус на Facebook и Google+ без инсталирање на додатоци се што треба да направите е да појдете на http://facebook.com/mobile.
Во долниот лев ќош ќе видите и-мејл адреса која завршува со @m.facebook.com.
Запишете го и-мејлот, и префрлете се на Google+. Тука препорачливо е да направите нов круг и да ја додадете таа и-мејл адреса во него како контакт, или пак да ја вметнете во веќе постоечки круг.
Потоа едноставно напишете некој статус и одберете да го споделите со новата група за Facebook (не заборавајте да штиклирате “Also e-mail 1 person who is not yet using Google+”), и проверете си го вашиот Facebook ѕид каде што ќе е објавена новата порака.
Иако овој трик работи одлично сега за сега, проблемот е во тоа што има свој лимит од само 45 каракери. Тоа е поради фактот што Google го вметнува статусот во Subject делот на емаил пораката која ја испраќа, но го лимитира на 45 карактери, а Facebook истиот го влече од Subject делот.
Можеби понатаму Google+ ќе дозволат поголеми пораки да се испраќаат преку и-мејл пораките па ќе биде решен и овој проблем.
Доколку знаете друг начин за испраќање статуси од Google+ на Facebook или обратно, споделете со нас во коментарите :)
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Хаха, јака работа. Функционира и кај мене.