Има две работи кои LastPass ги прави неверојатно добро. Првата е неговата функционалност, односно тој е софтвер кој ви ги складира сите ваши лозинки од сите ваши сајтови. Потребна ви е само една главна лозинка и сервисот од тука натаму автоматски ќе ви ги пополнува сите останати полиња за лозинки без потреба вие да се мачите. Дури и ќе ви ги запомни сите нови лозинки, ќе ги групира по категории, ќе генерира посложени лозинки, ќе има историја за секое логирање и куп други работи. Покрај тоа сервисот е достапен од било каде. Има веб верзија, додатоци за разни прелистувачи, и има мобилни апликации.
[youtube]RM0fzHxMASQ[/youtube]
Втората добра работа е врзана со мобилната верзија наменета за iPad и iPhone. Сигурно сте забележале дека кога внесувате лозинка на iOS уредите (и другите мобилни) првин се открива знакот за да видите дека ја пишувате правата лозинка, па секунда подоцна тој се претвара во ѕвездичка. Ова ги прави вашите лозинки исклучително ранливи бидејќи потребно е само некој да ве гледа што внесувате.
Со LastPass Tab Browser таа опасност не постои. Бесплатната апликацијата е всушност мобилен прелистувач преку кој се поврзувате со вашиот LastPass профил кој ги содржи сите лозинки. Кога ќе отворите нов сајт или веб сервис преку iPhone или iPad за кој треба да се логирате, LastPass автоматски ќе го пополни полето одредено за корисничкота име и лозинка. Покрај тој прелистувач ќе ги имате и сите други опции кои ги нуди сервисот, заедно со пристап до „сефот“.
Покрај бесплатниот прелистувач, LastPass има и посебни апликации за iОS и Android, но тие функционираат само за премиум корисниците.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
super aplikacija! dali ima android verzija?