Nvidia сепак не се откажува од својата Android конзола, наречена Shield. Новата верзија овојпат е ТВ конзола и тоа доаѓа со 4K поддршка на 60Hz. Конзолата доаѓа со Tegra X1 процесор и, според Nvidia, е помоќна од конкурентите Roku и Apple TV, па дури и од Xbox 360. Во пакет со Nvidia Shield е претставен и далечински управувач со можност за гласовно пребарување, на кој има и простор за приклучување на слушалки, но засега нема податоци дека ќе доаѓа заедно со конзолата, вели Verge.
Со оглед на тоа дека сепак станува збор за гејминг конзола најважното прашање е „колку и какви игри ќе доаѓаат на Shield?“. Според најавата Shield доаѓа со сопствена продавница во која на излегувањето ќе бидат достапни 50 игри, помеѓу кои ќе бидат: Portal, Star Wars: Knights of the Old Republic, Half-Life 2: Episode 1. Цената на Android TV козолата ќе биде 200 долари и ќе биде достапна во мај.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
