Стартувавме нов дизајн! Се надеваме дека ви се допаѓа? Да? Супер, тоа ни е најважно.

Учејќи од искуството и новите трендови се решивме да го подновиме порталот со поелегантен, помодерен и секако покул дизајн. Ги прераспоредивме старите елементи, ги отфрливме тие што не беа потребни, и додадовме нови опции. Сајтот ќе биде досредуван во текот на следниве денови, ако најдете пропусти слободно пишете ни. Еве ги промените:

• Малку поинаков распоред – На прв поглед ќе забележите промени во распоредот на текстовите. Сега има една главна вест која „мора да ја прочиташ“. Тука ќе стојат најважните вести поврзани со локалната ИТ сцена за таа недела. Веднаш под таа вест се четири други вести кои мислиме дека вреди да се истакнат. Најновите вести сега веднаш се спуштаат надолу, за разлика од претходниот дизајн каде најновите четири вести беа поставени хоризонтално, за потоа да продолжат надолу.
• Поедноставен дизајн – Овој нов дизајн е дефиниран со горните два тулбари: црниот со логото и категориите, Кариера и пребарувањето, овој таб ќе биде постојано присутен кога скролате надолу за полесно префрлување меѓу категории, и вториот, син таб кој ги има најпопуларните тагови, пример листање на текстови според тоа дали се за Apple, Google, Android, Microsoft… На почетокот на синиот бар ги има кул опциите за различен преглед на вестите.
• Различни изгледи – Одберете стандарден изглед, може текстовите да бидат прикажани како блог постови со крупни слики или да ги распоредите еден врз друг написите во последните 24 часа. Тоа верувам ќе им се допадне на многуте iPаd корисници бидејќи наликува на апликацијата за таблет компјутерот.

• Фокус на текстот – При читање на текстови ќе забележите дека насловот ги пресекува сликите кои се помали од претходниот дизајн, а друштвените копчиња се подолу и се оделени од текстот со мал син бар. Ова овозможува да се врати фокусот на текстот.
• Запознајте го авторот – Додадовме и секција за авторот. Сакале публиката да ги запознае авторите и соработниците подобро, да ги следи на друштвените мрежи и на нивните блогови. Сакаме интеракција меѓу порталот и читателите. Пишуваме за вас и сега сакаме и да комуницираме со вас.
• Корисни додатоци – Од десно се истите функции, го има Facebook плагинот, Twitter фидот на @It_info со кратките вести, го има Flickr, најпопуларните вести, најсподелуваните вести и простор за уште новини доколку сметаме дека ќе се потребни. Додадовме и интересен додаток во кој се складирани сите друштвени профили на IT.com.mk, е-билтен и мобилните апликации.

• Неделниот преглед се враќа – Еднаш-омиленот преглед на неделните вести го изоставивме со претходниот дизајн, но сега најдовме простор и идеја како да го вратиме и актуелизираме повторно. Ќе стартуваме и е-билтен со вестите на денот и неделен преглед кој ќе биде доставен преку имејл. Ќе има опција за претплата на само најпопуларните вести или на огласите објавени во ИТ Кариера. Ќе има и имејл маркетинг.
• Сменивме сервер– се надеваме дека сега ќе имаме побрз и постабилен IT.com.mk.

Погледнете ја еволуцијата на IT.com.mk од стартувањето на форумот во март 2007 година:

Првин беше само форум, стартуван во 2007-ма…

Потоа стана ентузијастички портал во март 2008 година…

… и на 1-ви април 2010 ја стартувавме третата верзија…

… приказната продолжува…