ELAMAN GmbH е една од компаниите која стои позади софтверот за шпионирање, FinFisher, софтвер кој се користи од владините агенции за следење на комуникацијата. Тој софтвер, поточно негов сервер е откриен и во Македонија. FinFisher/FinSpy е професионално изработен тројанец за Windows системите и паметните телефони, кој овозможува пристап до целиот систем на корисникот и следење на неговата комуникација преку интернет , следење на тоа што личноста пишува на тастатурата, пристапување до печатените и избришени датотеки и друго. Покрај сето тоа,FinFisher/FinSpy може да ги види сите ваши лозинки и поставувања на компјутерот, па дури и да ги вклучи вашата камера и микрофон, без притоа вие да знаете дека тие се вклучени. Но, како тој малициозен софтвер стигнува до корисниците?
Тројанецот се инсталира на корисничката страна откако ќе биде инсталиран софтвер или надоградба од лажен извор, а покрај РС верзијата, овој софтвер за шпионирање е достапен и за мобилните телефони (погледнете видео подолу како функционира). Како еден од софтверите преку кој бил подметнувана оваа шпионска алатка е Firefox, а во периодот во 2011 година било детектирано дека за истата цел е искористен и iTunes на Apple.
Toa што е загрижувачки е што според неодамнешните истражувања на Citizen Lab, FinFisher сервер е најден и во Македонија. Kако што објави Арангел Ангов од Слободен софтвер Македонија во својата колумна за Радио Слободна Европа, тој софтвер има IP адреса од Македонски Телеком, а македонскиот амбасадор во Германија, Ѓорги Филипов, претходно имал преговори со ELAMAN за „можност за соработка“. Nova.tv се обиде да дојде до информации од Телеком за кој го нарачал софтверот во Македонија и со која намена, но одговор сè уште нема.
„Она што е познато е тоа што го објави истражувачката група Citizen Lab од Универзитетот во Торонто во својот извештај насловен „Комерцијализација на дигиталното шпионирање: Само за нивните очи“, а тоа е дека од март годинава и во Македонија постои „Command and Control“ Finfisher сервер, што во превод значи, сервер за собирање на сите податоци од жртвите, во случајов граѓаните кои што се шпионирани.”, вели Арангел во својата колумна „Само за нивните очи“.
twitter.com/arangel/status… twitter.com/arangel/status… twitter.com/arangel/status… ping @itcommk @novatvmk @saskac
— it’s compiling… (@arangel) May 9, 2013
„Постојат многу причини зошто овој софтвер е штетен и е под лупа на истражувачката група од Торонто веќе подолго време, а една од нив, како и што е наведено во извештајот, е фактот дека многу често се злоупотребува од страна на владите за следење и замолчување на граѓанските активисти или пак секој оној кој што не се согласува со политиките на одредена влада, конкретен пример за ова во извештајот е Бахраин.“
FinFisher/FinSpy се состои од неколку компоненти за кои можете и самите да прочитате во документот објавен од Wikileaks или да го прочитате целосниот извештај од истражувачката група при Универзитетот во Торонто.
Доколку сакате да се заштитите од FinFisher – нема информации дека некој ве шпионира, нели?, но за секој случај – форумџиите на IT.com.mk имаат објавено дополнителни детали за шпионскиот софтвер.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
[…] на контроверзниот софтвер FinSisher, чии сервери беа најдени и во Македонија. Според споделените податоци токму ова е софтверот […]
[…] потсетување најверојатно најозогласениот софтвер за следење FinFisher или FinSpy е креиран од Gamma International која има една […]
[…] FinFisher е шпионски софтвер за следење на комуникацијата кој германската компанија Eleman го продава легално. Теоретски алатката е наменета за заштита на безбедноста, борба со криминал и тероризам. Но, во реалноста во држава како Македонија каде знаеме дека власта ги прислушува граѓаните, политичките противници и новинарите, таа може да биде исклучително опасна алатка. Сепак, мора да се предупреди дека во моментов постојат само сомненија дека ваков сервер постои во Македонија, oткриен според локални IT адреси кои можеби се и прокси што го кријат шпионскиот сервер. Нема официјални информации од власта, ниту се знае дали и која агенција го нарачала. […]
[…] portal IT.com.mk objavio je da u Makedoniji postoji špijunski server FinFisher koji koriste vladine agencije kako bi pratile komunikaciju. Riječ je o profesionalno izrađen Trojanac za Windows i smartfon OS koji omogućuje pristup […]
Кој антивирус/антиспајвер софтвер го детектира и брише ова чудо?
" FinFisher/FinSpy е професионално изработен тројанец за Windows системите…" -> GNU/Linux :D
Format C: i gotovo :)