Милиони од Gen Z се невработени, и покрај тоа што многумина се добро квалификувани и желни за работа. Додека некои се борат да најдат можности, други – наречени „rat people“ – го прифаќаат побавниот начин на живот и ги поминуваат деновите на социјалните медиуми. Експертите го гледаат тоа како тивок протест против прегорувањето (burnout) и моменталниот пазар на труд.
Генерацијата на милениумците со мотото „work hard, play harder“ полека исчезнува, отстапувајќи место на новиот тренд на Генерацијата Z во Кина. Многумина сега ја прифаќаат етикетата „rat-people“ – поминувајќи денови во кревет, скролајќи, дремејќи и нарачувајќи храна за дома.
Се будат за повторно да легнат да спијат
На платформи како Weibo, RedNote и Douyin, веќе има видеа каде што младите се будат само за да се вратат повторно под покривките.
Во видеата неодамна објавени, неколку креатори ги документираат своите денови како „rat-people“, будејќи се околу пладне, скролајќи на интернет со часови, одмарајќи на софата со своите телефони и враќајќи се во кревет дo вечер за да се менуваат помеѓу скролање и дремнување.
Нивниот сатиричен поглед на овој осамен, нискоенергетски начин на живот собра стотици илјади лајкови и инспирирајќи ги другите да споделат слични рутини. За многумина во коментарите, дури и овие опуштени распореди изгледаат премногу активни.
Некои корисници на овие платформи велат дека едвај стануваат од своите кревети освен за да јадат, тврдејќи дека можат да поминат денови без да излезат надвор. Други признаваат дека преживуваат со еден оброк на ден и ретко се мијат, гордо прифаќајќи уште поекстремна верзија на начинот на живот наречен „rat-people“.
Мрзлива генерација на глобално ниво
Прифаќањето на „rat-people“ начинот на живот од страна на младите во Кина не е новост. Уште во 2021 година, Gen Z и младите миленијалци почнаа да ја отфрлаат исцрпувачката работна култура со „lying flat“ – откажувајќи се од бараниот распоред „996“ (работно време од 9 до 9 шест дена неделно) во корист на работење на минимум или воопшто не работење.
Сега, Генерацијата Z на Запад го следи примерот со трендови како што се „Bare Minimum Mondays“ и тивко давање отказ (quiet quitting). Некои целосно се откажаа, станувајќи NEET (not in employment, education, or training) по сопствен избор.
Без разлика дали во Кина, САД или Европа, оваа промена го одразува растечкото разочарување од моменталниот пазар на труд. И покрај тоа што се високо образовани, многу млади од Генерацијата Z се соочуваат со ограничени можности за работа. Над 4 милиони во САД се невработени, во Кина, еден во шест е невработен.
Експертите велат дека тоа е повеќе од мрзеливост – тоа е тивок протест против прегорувањето, отфрлањето и системот што се чувствува како да е против нив. Прифаќањето на „rat-people“ начин на живот, за многумина, е начин да се врати контролата.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
