Од развојното студио кое е најдобро познато по Satellite Reign и Windbound, ни доаѓа значително поразлична игра.
Овојпат, наместо да запловите во неистражени води и да истражувате забранети острови, ќе започнете патување низ симпатични градови полни со слатки и впечатливи моменти.
Иако Cozy Caravan излезе како дел од раниот пристап на Steam, многу работи се во целосна игрива состојба.
Ќе можете да истражувате најразлични места и градови, да создавате бројни предмети, да собирате ресурси и да ги препорадавате истите на локалното население.
Бројните ликови на кои наидувате со задоволство ќе ви ја раскажат нивната приказна, па дури и ќе ве замолат да направите нешто за нив.
Се чини дека Cozy Caravan е целосно оперирана од било каков временски притисок или анксиозна енергија.
Играта е замислена да ви понуди безбедно, шаренолико и преубаво место во кое ќе можете да уживате во убавината на едноставните, секојдневни работи.
Се очекува играта да излезе од раниот пристап на Steam на крајот на 2024 година.
Моментно, играчите имаат на располагање еден огромен регион. Покрај понатамошно вметнување квестови и проширување на регионот со дополнителни активност, развојното студио работи на вториот регион кој, исто така, би се појавил додека играта е во раниот пристап на Steam.
Се споменуваат и дополнителни региони, но таквото нешто би можело да се случи откако играта ќе излезе од раниот пристап.
Повеќе детали за играта
- Произведува: 5 Lives Studios
- Издава: 5 Lives Studios
- Жанр: авантура
- Платформа: Microsoft Windows
- Излезе на: 16 мај 2024
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
