Нина Георгиева, која веројатно е попрепознатлива под генијалниот псевдоним Нина Геометриева, е самоук графички дизајнер, која од неодамна е дел на Generative AI тимот во Meta, по поминати нешто помалку од две години во Instagram.

Нејзината кариера е импресивна. Таа пред да се приклучи на Instagram во јануари, 2022-ра беше дел од Google во Токио и во Сингапур каде што работеше по две години како продукт дизајнер на Google Pay и на Google Maps.

Минатата година Нина се најде и на нашата листа топ 10 .мк жени во ИТ индустријата за 2022-ра година, а едно од последните работи со кои што може да се пофали е тоа што е дизајнер на Meta genAI иконата која наскоро сите ќе почнеме да ја гледаме сѐ повеќе и повеќе на платформите на Meta.

Со Нина зборувавме за нејзината работа во новиот оддел на Meta.

Од неодамна си дел од Generative AI тимот на Meta. Што имате на агенда за развој и како изгледа еден работен ден во новиот тим?

“Како мал тим кој работеше на доста амбициозни најави за Meta Connect 2023, немавме никаква рутина – сѐ беше продуктивен хаос. Под тесно раководство на Марк Закерберг, скоро дневно менувавме план за да се осигураме дека сѐ ќе се случи на време. Научив дека највисокиот комплимент што може да се добие од Марк е дека нешто “не е лошо”.

За идни планови не можам да откријам премногу, но работиме на два фронта – еволуирање на постоечките функционалности и градење нови, како и подобрување на самите AI модели. Само што почнавме да тестираме две од новите AI алатки во Instagram stories, па дел од нашиот роудмап ќе биде формиран и од тоа.

Јас директно му се обраќам на директорот на продукт дизајн, кој ми даде одобрение да смислувам и прототипирам какви било идеи поврзани со GenAI, па дел од времето го посветувам и на pitching и презентации.

Во меѓувреме помагам при тренирање на нашите модели преку дефинирање естетски параметри, давање фидбек за тоа како интерпретираат инструкции, презервираат идентитети итн.”

Дали би можела да споделиш повеќе за новите AI алатки на Instagram?

“Сега за сега имаме лансирано 2 AI алатки, Backdrop и Restyle. Backdrop ти дозволува да ја смениш позадината на твојата слика преку опис, а со Restyle да го смениш целокупниот стил.

Како дојде до тоа да го дизајнираш логото за Мета GenAI кое сега се користи насекаде на Instagram, Facebook, Messenger и Whatsapp? 

“Тим од 5-6 водечки графички и бренд дизајнери во компанијата и јас се организиравме да издизајнираме симбол кој ќе претставува генеративна вештачка интелигенција низ целата фамилија на Мета апликации. Беше прилично интензивно, со многу итерации во краток период и редовни средби со извршното лидерство на Мета.

Тие ни дадоа јасна насока – да создадеме симбол кој ќе се надогради врз постоечките асоцијации со генеративна AI но сепак да има уникатен Мета елемент. Ова беше тешка задача бидејќи целата индустрија ја користи истата 4-крака ѕвезда со две помали 4-краки ѕвездички.

Ги испробавме сите варијации на 4-крака ѕвезда и сфативме дека сите се веќе земени. Тогаш мене ми дојде идејата да се разликуваме не со формата на главната ѕвезда туку на придружните честички. Направив брза скица во која ги заменив малите ѕвезди со други форми и одеднаш сѐ кликна. Еден од директорите изреагира “I wish I’d thought of that!” што е еден од најдобрите комплименти што ги имам добиено како дизајнер.

Овој симбол потоа се одобри од Марк и се претвори во цел иконографски систем кој се аплицираше низ Instagram, Facebook, Whatsapp и Messenger.”

И пред да бидеш дел од Generative AI тимот експериментираше со вештачката интелигенција, која е твојата визија за оваа технологија во следните 2 и во следните 10 години?

Мислам дека генеративна AI полека ќе ги замени оперативните системи и ќе ни помага на секакви очекувани и неочекувани начини во секојдневието. 

Секој ќе има свој личен AI модел како асистент, кој ќе служи истовремено како бизнис партнер, здравствен советник, креативен партнер, соработник, па дури и најдобар другар.

Хајпер-персонализација ќе биде дел од скоро секое искуство, на пример рил тајм менување на крајот на филмот што го гледаш врз база на лични преференции, или генерирање на остатокот на видео играта во зависност од тоа какви одлуки носиш.

Дел од дизајнерите се со став дека примената на вештачката интелигенција нема место во уметноста. Ти не се согласуваш со тоа, можеш ли да ни објасниш зошто?

“Иницијалните реакции против генеративната AI во голема мера се вкоренети во страв и недоразбирање. Но со тек на време AI толку длабоко ќе навлезе во нашите животи што ќе заборавиме како беше пред неа, исто како што не можеме да замислиме живот без компјутери или интернет.

Во областа на уметноста, генеративната AI денес е исклучително моќна алатка, овозможувајќи им и на оние без формален тренинг или познавање на уметнички техники да можат да се изразат.

Наскоро AI моделите ќе бидат повеќе од само алатки, ќе бидат уметници со свои оригинални идеи и стилови. Но тоа не значи дека човечката уметност ќе умре. Ако ништо друго тогаш барем реткоста на човечката уметност ќе си носи своја винтиж вредност.”

Од кои AI дизајн алатки си импресионирана?

“Секоја недела излегуваат стотици алатки. Од малите еднонаменски алатки во последно време интересна ми е Newji што креира емотикони во iOS стил врз база на текст. Доста ја користам гласовната опција на ChatGPT што звучи ненормално природно и е одлична за хендсфри муабети. Искрено, некои од нашите необјавени модели во Мета се доста импресивни, но сè  уште имаат долг пат до јавно демо.”

Откако Meta објави AI generative стикери, многумина увидоа дека може да генерираат какви сакаат стикери, па дури и безобразни стикери со Маск и Трамп. Како може етиката да се аплицира во овие алатки со цел да се избегне злоупотреба?

“Имам непопулано мислење на оваа тема дека креаторот треба да ја сноси целокупната одговорност за својата креација. Ако некој нацрта безобразна слика, нема смисла да се обвини компанијата што произведува моливи.

Очекувањето да бидеме заштитени од сѐ што не ни се допаѓа ги ограничува нашите искуства во светот, и ја повредува слободата на говор. И не само тоа, листата на “непријатни” теми беспрекинато расте, до ниво каде што ќе преостане само да се зборува за какво е времето надвор.

Очигледно ова не е официјалниот став на Мета, која напорно се труди да ја контролира генерираната содржина.

Ако влезат во ринг Маск и Закерберг, кој би победил? 🙂

The real winner ќе биде цената на акциите на Мета и Твитер. :)

Следете ја Нина на Instagram.

Доколку сакате да дознаете повеќе за Нина и нејзината кариера, проследете ја 14-та епизода од подкастот на Иван Неделковски, How to Make it From Macedonia:

Нема одговори сè уште.

Започни ја дискусијата →

Loading new replies...

ContentBotDec 05, 2023 пин

Нина Геометриева: Највисокиот комплимент што може да се добие од Закерберг е „не е лошо“ ⋆ IT.mk

Нина Георгиева, која веројатно е попрепознатлива под генијалниот псевдоним Нина Геометриева, е самоук графички дизајнер, која од неодамна е дел на

it.mk

одговори 1 лајкови

Приклучи се на дискусијата на IT.mk | Форум →

Добивај известувања

Најава

Извести ме за

нови коментаринови одговори на мои коментари

Label

{} [+]

Name*

Email*

Website

Label

{} [+]

Name*

Email*

Website

1 Коментар

Најнови

Најстари Со највеќе гласови

Inline Feedbacks

View all comments

kihuПотру

2 years ago

одлично интервју!

4

Reply