Во иднина, наместо да го бараат најдобриот хирург, луѓето можеби ќе го бараат најдобриот робот. Тестовите на роботот Smart Tissue Autonomous Robot (STAR) покажуваат дека роботот оперира побрзо и попрецизно од луѓето.
Тестот на STAR покажува дека роботот поради поголемата прецизност прави и помалку штета на околното ткиво, пренесе IEEE. Прецизноста е исклучително важна при отстранувањето на тумор или рак. Напредокот на технологијата овозможува сериозно да се размислува дека иднината на хирургијата е во автоматизацијата.
„Верувам дека технологијата најпрво ќе биде воведена како подфункција во хирургијата, а потоа ќе стане и покомплексна“, вели Аксел Кригер, доцент од Универзитетот Мериленд.
Роботот во текот на „операцијата“ постојано ги следи алатката за сечење и ткивото. Во текот на операцијата, роботот постојано се прилагодува на промените и на новонастанатите услови.
Во текот на тестовите роботот и хирурзите имаа два теста. Тестовите се направени на три различни ткива, мускули, кожа и маснотии од свињи. Во првиот, роботот и хирургот правеа рез долг 5 сантиметри. Вториот тест беше посложен и во текот на тестот роботот и човекот отстрануваа замислен тумор со неправилна форма.
Засега формата на „туморот“ е единствено дводимензионална. Следниот чекор е тренинг на роботот за отстранување на 3Д тумор. Секако ова е во фаза на развој, по што ќе започнат тестовите. Барем засега технологијата ветува навистина многу.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
