На неодамнешната конференција за вештачка интелигенција во Калифорнија, беше претставен и роботот Грејс.
Grace е осмислен од Hanson Robotics, фирма која е заснова во Хонг Конг. Целта на роботот е да ги дружи (постарите) пациенти, но и да ја надгледува нивната добро состојба, особено во услови на пандемија.
Имено, Грејс располага со термална камера која ја мери температурата на пациентите, но и ја проценува респонзивноста на пациентите, со цел да извлече соодветни дијагнози. Паралелно со ова, Грејс остава впечаток на крајно социјализиран робот кој е повеќе од способен да се впушта во најразлични разговори, како за времето, да ги забавува пациентите со интересни или смешни приказни, како и да им објаснува како да прават одредени физички вежби за да се поактивни за време на денот.
Со Грејс може да се комуницира на англиски и кинески јазик, а лицето на роботот е способно да симулира движења кои се извршуваат од 50 мускули на лицето.
