Enterprise Europe Network Македонија организира дводневна конференција која ќе има за цел да го забрза вмрежувањето на малите и средни претпријатија од секторот на информатички технологии, но и да понуди можности за финансирање на иновативни технолошки проекти и решенија. Конференцијата е закажана на 7ми и 8ми јуни во Скопје.
Македонските компании, но и компаниите од регионот на југоисточна Европа ќе имаат можност во рамки на дводневната конференција да се обидат да склучат соработка со цел ширење на своите активности и полесно пристапување на странски пазари. Вмрежувањето ќе се реализира преку закажување и остварување на B2B средби на 8ми јуни во просториите на Стопанската Комора на Македонија во Скопје.
Најиновативните компании и тимови ќе имаат можност на вториот конференциски ден да ги презентираат своите идејни решенија пред панел од потенцијални инвеститори со претставници од Фондот за иновации и технолошки развој, South Central Ventures, Кримсон Капитал и CEED Македонија. Учесниците ќе можат и да се информираат за инструментите за финансирање кои се отворени од страна на Фондот за иновации и технолошки развој, но исто така и да научат како да пристапат и да ги искористат алтернативните извори на финансирање кои се нудат од страна на акцелератор фондовите во регионот.
Учеството на конференцијата е бесплатно. Сите заинтересирани компании можат да се регистрираат најдоцна до 27 мај на веб страната.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
FitKit 
