Голем дел од интернет сајтовите во текот на денот, а и во моментот на пишување на овој текст се недостапни или имаат проблеми со прикажување на содржини. Причината е DDoS (Distributed Denial of Service) напад над серверите на DNS компанијата Dyn, која своите услуги ги сумира како оптимизација на „интернет перформансите“ на сајтовите.
Сајтови како Reddit, Twitter, Github, Amazon, Netflix беа недостапни за сите или за дел од корисниците ширум светот. DDoS напад наједноставно објаснето е кога хакерите ги бомбардираат серверите со огромен број на барања при што серверите закочуваат или стануваат комплетно недостапни дури трае нападот. Кон ваквите напади одбраната е доста ограничена и бара инволвирање на голем број ресурси.
На сајтот наменет за статусот на серверите на Dyn, во моментот на објавување на овој текст како последно стои известувањето:
“Нашите инжинери работат на истрага и намалувае на ефектот на серијата напади кон Dyn инфраструктурата за менаџирање на DNS.”
На тема DDoS напади, до сега ги имаме покриено следниве слични ситуации:
- Неидентификувана хакерска група сака да го урне интернетот
- Како хакери презедоа контрола врз украинска електрична централа
- Над 650.000 кинески уреди беа киднапирани за DDoS напад
- Cloudflare забележа рекорден DDoS напад од 400 Gbps
- Хактивистите и гејмерите се главни виновници зад DDoS нападите
- FBI со DDoS напад си го маскирале пробивањето на 400 криминални сајтови на Tor мрежата
- PlayStation Network e повторно мета на DDoS напади
