Radar Mk e алтернатива на Пази Радар, но не мора да користите интернет

Неодамна МВР ја претстави Пази радар, апликација на МВР која ве информира за можните радарски контроли, и која има за цел да ве заплаши за да возите поспоро и побезбедно.

Иако одлична и корисна апликација, проблемот со Пази радар e што е потребно интернет конекција за да може апликацијата да функционира и да ги користи мапите и GPS-oт за да ја одреди локацијата на возачот и радарите за да предупреди.

Но, сега има алтернатива за која не е потребна интернет конекција. Radar Mk на битолчанецот Сашо Стојановски, познат од претходно по својата Druidpad апликација, во себе содржи мапа на Македонија со сите можни радарски контроли, кои се јавно објавени на сајтот на МВР, што значи дека нема потреба да сте поврзани на интернет за да ја користите. Откако ќе се симне апликацијата, потоа автоматски се симнуваат мапите кои тежат околу 200 МB.