Fail Whale беше икона во раните денови на Twitter, кога сервисот се срушуваше често и беше преплавен со премногу корисници. Во тие моменти, птиците и тешкиот кит ги смируваа гневните корисници покажувајќи им дека прекинување на сервисот и не е толку лоша работа, дека треба да се здивне малку од Интернетот. Но, како што поминуваше времето, така Twitter стануваше се подобар и подобар, не се сеќавам кога последен пат не беше достапен, па така и китот стана непотребен. Потпретседателот за инженерство на TWitter, Кристофер Фрај, за Wired потврди дека конечно Fail Whale е пензиониран и заменет со роботи.
„Летово Fail Whale го тргнавме од продукција, иако како и со други сервиси, и Twitter не е перфектен и ќе има проблеми. Но, сега ќе гледате роботи наместо китот. Китот имаше долга историја и нашите корисници се чувствуваат поврзани со него, но на крај, тој претставуваше време кога не верувавме дека ќе ги исполниме очекувањата на светот за Twitter“.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
