Twitter хакерот Џозеф О’Конор ќе оди во затвор

Британецот Џозеф О’Конор доби 5-годишна затворска казна поради напад на Twitter. Toj во 2020-та година беше дел од група која успеа да се здобие со пристап до Twitter профили на повеќе јавни личности и оттаму промовираше биткоин измама.

Во нападот О’Конор успеа да се здобие со пристап до профилите на Барак Обама, Џо Бајден, Елон Маск, Бил Гејтс, Apple, Uber, Канје Вест и многу други. Процената е дека успеал да дојде до 130 влијателни профили на Twitter. Од овие профили испраќаше порака:

„Ѝ враќам назад на заедницата. Сите биткоини кои ќе ги пратите на адресите подолу ќе бидат удвоени. Ако пратите 1000 долари ќе ви вратам 2000 долари. Ова ќе го правам единствено во следните 30 минути“.

На крајот на пораката стоеше адресата на паричникот на кој корисниците требаше да ги пратат своите криптовалути. Пораката стигна до над 350 милиони корисници на Twitter, а илјадници поверуваа на измамата. Со измамата успеал да украде 120 000 долари, покажуваат јавно достапните блокчејн податоци.

Џозеф О’Конор беше уапсен во Шпанија во август 2022-ра година. Во април оваа година го екстрадираа во САД, а во мај го призна делото. Беше обвинет за хакирање, онлајн измама и онлајн следење.

Максималната казна која можеше да му биде изречена на О’Конор беше 77 години. Сепак со оглед на тоа дека веќе две години помина во притвор, О’Конор веројатно ќе треба да отслужи уште половина од казната, пренесе TechCrunch.

Пред него беа осудени уште три члена на групата.

Како Џозеф О’Конор успеа да дојде до профили на популарни корисници

Нападот успеал бидејќи групата успеала да се здобие со пристап до административниот панел на Twitter. Напаѓачите по телефон им се јавиле на повеќе вработени во Twitter и со убедлива приказна успеале да дојдат до податоците за логирање. Ова им обезбедило пристап до супер-моќната алатка, па не им требале лозинки за да се здобијат со пристап до профилите. Наместо ова Грахам Иван Кларк од панелот ги префрлил Twitter профилите на нови акаунти.

Оттука започнале да споделуваат пораки за брзо богатење од профилите на Барак Обама, Џо Бајден, Елон Маск, Бил Гејтс, Apple, Uber, Канје Вест. Twitter успеа да сфати што се случува и оневозможи објавувања. За жал веќе беше дозна и платформата веќе беше преплавена со пораки.

Како последица само на овој напад микро-блогот го промени начинот на работа. За да спречат слични инциденти започнаа да користат хардверски клучеви кои ги оневозможија идните фишинг напади.

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Добивај известувања
Извести ме за
guest
0 Коментари
Inline Feedbacks
View all comments

ит кариера

Matrix IT Global Services Macedonia

Product Operations

Matrix IT Global Services Macedonia

Marketing Strategist

види ги сите огласи на kariera.it.mk