Оваа година од 15-ти до 17-ти април ќе се одржи првото издание на Startup Weekend Охрид во просториите на универзитетот Апостол Павле. Startup Weekend Охрид е настан наменет за сите млади ентузијасти кои имаат бизнис идеја или проект, но им е потребен тим, ресурси или менторска поддршка за реализирање на истиот.
По успешна реализација на 10 изданија на Стартап Викенд Скопје, тимот кој стои позади Стартап Македонија, поддржан од тимот на Стартап Викенд Скопје и голем број на основачи и ентузијасти ќе го организираат првиот стратап викенд во Охрид со цел да се даде можност за вмрежување на новата генерација на млади професионалци, иноватори и ентузијасти и шанса за развој и лансирање на својот стартап во Македонија
Што е Стартап Викенд?
Startup Weekend e глобален настан/хакатон кој има за цел да ги потикне младите професионалци, фриленсери и стартап ентузијасти на една локација да оформат тим со кој ќе развијат бизнис идеја од концепт до прототип во рамки на 54 часа односно еден викенд. Учесниците оформуваат тим во кој заедно реализираат и тестираат идеја, односно проект на кој ќе работат.
Тимовите ќе ги доразвијат своите идеи со поддршка на над 30 ментори (основачи и експерти) и ќе го претстават својот концепт пред жири од истакнати ИТ професионалци, бизнисмени и инвеститори.
Каде се одржува?
Охрид е нова локација за Стартап Викенд и настанот ќе се одржи во просториите на универзитетот „Свети Апостол Павле“ за време на викендот од 15-ти до 17-ти април. Ова е идеално место да се поврзат млади луѓе со пасија да креираат и иновираат нешто ново, и самиот настан е одлично место за запознавање на пријатели и идни колеги, ментори и инвеститори.
Кој може да учестува?
Секој може да учествува на Startup Weekend Ohrid, независно дали има идеја или не, дали е студент или професионалец… НО, има само едно ограничување! Настанот има само 50 слободни места и треба да бидете брзи за да го обезбедите своето присуство.
Подгответе се за викенд со многу работа, дружење, учење и забава, во кој и давате можност вашата идеја да стане реалност! Побрзајте да го резервирате вашето место додека картите се достапни по промотивна цена тука!
За повеќе информации посетете гии Facebook и веб страната на настанот или пишете ни на [email protected]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Solveo 
Startup Weekend Skopje 
M3DS Academy 
