Snap ќе се обиде да промени многу работи. Откако неодамна ги презентираа очилата за Snap, сега најавуваат дека уредот ќе се продава во автомат Snapbot.
Автоматите ќе се поместуваат, а кога ќе бидат во близина корисниците ќе го видат геофилтерот „Spectacles“, ќе знаат дека автоматот е во близина. Интересно е што ова е многу слично со она што се случува со фотографиите на Snap. Филтерот ќе биде поставен 24 часа однапред, а толку време ќе седи и автоматот на истото место.
Купувањето, а и самата интеракција потребна за купување на очилата се супер едноставни. Автоматот има влез за картичка и три копчиња: розево, црно и сино. Копчињата соодветствуваат на бојата на очилата кои корисникот ги купува. Десет секунди од притискањето на копчето „устата“ на автоматот се осветлува, купувачот може да си ги земе очилата и да си замине. Цената на очилата е 130 долари.
Очилата овозможуваат снимање на видео. Кога корисникот ќе ги стави очилата, и ќе го допре копчето на рачките, очилата снимаат 10-секунди. Следните притискања на копчето го продолжуваат видеото за 10 секунди, до максимални 30 секунди. Видеата ќе седат во меморијата на очилата, додека преку Wi-Fi или Bluetooth не бидат префрлени на постојаната локација.
This is how the @Spectacles bot works! It’s like magic and rainbows and cats and unicorns in a box that spits out spectacles! Neat! pic.twitter.com/jkha5qlB73
— Stevo Jacobs (@stevodotorg) November 10, 2016
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
