Како што дроновите стануваат се попопуларни, и се почесто надлетуваат над забранети зони, така станува неопходно да се најде решение како да се спречат. Засега имавме можност да видиме дел од решенијата кои се предлагаат – од истренираните орли до леталото Dronecatcher од Delft Dynamics кое може да ги улови и безбедно слета другите дронови.
Dronecatcher може да испука мрежа, а откако дронот ќе биде уловен се активира падобран за леталото да слета безбедно. Овој проект на компанијата е еден од проектите кои се финансирани од холандското Министерство за безбедност и правда, Холандската кралска полиција и Кралската воена полиција. На видеото е презентирана демонстрацијата на леталото, засега во рана фаза на развој. Леталото засега е повеќе доказ за концепт отколку потполно функционален прототип, но не би изненадило да видиме вакви полициски дронови во иднина кои ќе го патролираат небото.
