Humanko e нова македонска апликација за Android која е агрегатор на апелите за помош и донации. Целта на апликацијата е да се поврзе со хуманите луѓе кои не само што ќе донираат преку својот мобилен телефон, независно на кој оператор се претплатени, туку и ќе помогнат да се расчуе за апелот.
„Хуманите луѓе ќе имаат можност на едно место со помош на истиот уред да се информираат и да донираат онаму каде што сметаат онолку пати колку што мислат.“, вели Јана Стојменска, која зедно со Максим Симоновски, ја направи апликацијата. „Би сакале да го предизвикаме вирален ефект по друштвените мрежи, каде што преку апликацијата корисниците ќе можат да помогнат и со споделување на апелите на своите профили на Facebook и Twitter, притоа информирајки голем број на луѓе.“
Донациите се преземаат од официјалните страни на трите мобилни оператори кои имаат опција да се плати преку претплата. За да нема измами како што има на Facebook, откако ќе се одлучите да донирате, операторите ќе ви пратат порака со благодарност за трансакцијата. Во моментов апликацијата е достапна само за Android, но Јана вели дека се планирани и Windows Phone и iOs верзии.
Дали приодот кон една куќа со една фамилија се смета за пат од јавен интерес. Благодарам.