Google е во преговори со азиските производители за започнување на производство на нов паметен часовник кој ќе работи на Android Kit Kat, но со функционалности на Google Now. Google Now е асистент за пребарување и следење на корисничките активности кои ги прикажува во картички. Извори за Wall Street Journal велат дека Google е при крај со изработката, единствено што ги спречува да го објават паметниот часовник е батеријата која во моментов се троши брзо.
На паметните часовници се гледа како на додатоци на паметните телефони и таблет компјутери, чиј пазар станува се позаситен. Часовниците ќе се поврзуваат со телефоните преку WiFi, што за Google е од огромна важност да престават часовник кој ќе може да се синхронизира со сите телефони кои работат на нивната Android платформа, независно од производителот. До сега само Samsung и Sony објавија свои паметни часовници, но првиот Galaxy Gear се синхронизира само со уредите на јужно-корејскиот гигант, додека SmartWatch 2 на Sony работи со сите Android уреди. Во најава се и паметни часовници од Apple и Microsoft/Nokia.
[youtube]pPqliPzHYyc[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
