Апликација на денот: Правете музика со сега бесплатната GarageBand од Apple

Веќе не мора да платите 5 долари за да ја имате GarageBand од Apple. Апликацијата за правење музика сега e freemium, односно сега е бесплатна за симнување и користење на сите уреди со iOS 7, со oпција да се плати за повеќе инструменти и премиум. Бесплатни се клавијатура, тапани, гитара, и куп семплови, другите се купуваат.

GarageBand е комплетна апликација за снимање и продуцирање на музика, но комплетна колку што тоа може да дозволи iPhone со помалиот екран, или iPad кој се покажува како одличен инструмент на допир. Може да користите неколку инструменти за да направиме музика, може да снимите вокали, да креирате битови и да ги склопите заедно со семпловите. Може да водите цели оркестри, и да правите џем-сесии со пријателите преку Wi-Fi и Bluetooth. Се на се, GarageBand e одлична апликација за правење музика на мобилните уреди, посебно ако имате музички талент и ги купите и останатите инструменти.