Како што пишавме претходно, Facebook наскоро ќе претстави ново копче „want“ или „сакам“, кое ќе даде нова димензија на каква содржина ќе споделуваме. Наместо да споделиме нешто што „ни се допаѓа“ сега ќе споделиме нешто што „сакаме“, односно ќе си ги покажеме сите наши комерцијални интереси.
Програмерот Том Вадингтон, кој прв го забележа тестирањето на ова копче, објави код кој ни покажува како ќе изгледа копчето.
„Фактот дека кодот содржи рефернци до ‘socialcommerce’ е знак дека тие размислуваат на ова сериозно. Како што сега се споделува музика, вести и видео на сајтот, Facebook планира корисниците да споделуваат и Wants и Purchases (купувања) oд продуктите кои се купени од игрите до донациите.“, вели г. Вадингтон.
Нема детали кога ќе се појави копчето официјално, но тоа сигурно доаѓа бидејќи со него Facebook ќе понуди уште една комерцијална причина зашто фирмите треба да бидат активни на мрежата.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
