Граѓанскиот ресурсен центар ја најави онлајн дебатата „Дигитална трансформација на граѓанските организации“, која ќе се одржи на 21 октомври 2024 година (понеделник) со почеток од 12 часот на платформата ЗООМ.
Настанот е дел од иницијативата за поддршка на граѓанските организации преку имплементација на дигитални алатки и иновации со цел зголемување на нивната ефикасност, транспарентност и влијание.
Целта на дебатата е да отвори дискусија за важноста на дигитализацијата и да ги претстави начините на кои организациите можат да ги применат дигиталните алатки за подобрување на своето работење.
Учесниците ќе имаат можност да слушнат успешни примери за дигитална трансформација во јавниот и граѓанскиот сектор, како и да научат за социјални иновации кои значително го зголемиле влијанието на организациите во Македонија.
АГЕНДА
| 12:00/12:15 | Отворање на настанот Валентина Величковска, извршна директорка, Граѓански ресурсен центар Анита Гаговска Тренчевска – регионален експерт за југозападен плански регион во рамки на проектот „ЕУ поддршка за Граѓански ресурсен центар – фаза 2” |
| 12:15/13:00 | Улогата на вештачката интелигенција во подобрување на граѓанското учество и креирањето политики во дигиталната ера – Проф. Д-р Горан Шибаковски, Декан на Факултетот за Применети ИТ, УИНТ Св. Апостол Павле Охрид Примена на вештачката интелигенција за подобрување на општественото влијание – Проф. Д-р Александар Карадимче, Декан на Факултетот за информатички и комуникациски науки, УИНТ Св. Апостол Павле Охрид ИТ решенија и социјални иновации во корист на зголемување на импактот и одржливоста на граѓанските организации – Проф. Д-р Моника Марковска, Факултет за информатички и комуникациски технологии, Универзитет Св. Климент Охридски Битола, и претседателка на Здружението за социјални иновации ВР Лаб Битола Успешни примери за дигитална трансформација и влијание – М-р Атанас Гоџоски, Директор на Ангор АГ, ИТ компанија Подобрување на продуктивноста преку дигитални алатки (споделување на пример: Aqtos) – Дамјан Дано, консултант за дигитална трансформација и основач на Aqtos и IWM Network Фацилитатор: Анита Гаговска Тренчевска – регионален експерт за југозападен плански регион во рамки на проектот „ЕУ поддршка за Граѓански ресурсен центар – фаза 2” |
| 13:00/13:30 | Дискусија |
Оваа дебата е одлична можност за граѓанските организации да научат како дигитализацијата може да ги подобри нивните процеси и да овозможи поголемо влијание во заедницата. Се покануваат сите заинтересирани да учествуваат и да придонесат со своите прашања и идеи за дигитална трансформација.
Линк за пријава
Пријавените учесници ќе добијат линк преку имејл порака за да се вклучат на онлајн настанот.
Настанот е дел од проектот „ЕУ поддршка за Граѓански ресурсен центар – фаза 2” финансиран од Европската Унија. Спроведуван е од Националната фондација за развој на граѓанското општество „Граѓански ресурсен центар“, Македонскиот центар за меѓународна соработка, Асоцијацијата за демократски иницијативи – АДИ, Гостивар и Медиа плус, Штип.
