Од најсекси блогерка до најсмешен твитерџија – oва се сите победници на Тwitter и Блогираме наградите

Среќни, најдобрите блогери и твитерџии, изгласани од својата публика, се поклонија на сцената на вторите Twitter и Блогираме награди. Некои го заслужија пиедесталот, некои пак имаа побројна публика, но тоа што е важно за настанот направен „од заедницата за заедницата“, како што вели организаторот Blogirame.mk, е што полека ги оживува блоговите во Македонија. Македонските блогери и твитерџии, кои ја користат друштвената мрежа за да бидат погласни, стануваат се повлијателни со својата содржина. Хумористична, сатирична, понекогаш нова и информативна, најчесто критична кон власта и брендовите, таа содржина ги мотивира другите да отворат блог и да се вклучат во заедницата. Блогерите во Македонија полека стануваа сила како што беа во 2005 година, кога немаше друштвени мрежи, но имаше блогери кои добија место за колумни во дневните весници, привлекувајќи своја уникатна млада публика. Во последните две години тој тренд се враќа на македонската сцена – блогерите сега можат да го дефинираат јавното мислење, и се привлечни за огласувачите и за компаниите како Badel кои го поддржаа настанот со подароци за победниците. Twitter и Блогираме наградите, иако само втори по ред, се настан кој ја охрабрува таа заедница да продолжи со работата.

Блогираме награди

• Најсекси блогер/блогерка: @Alekk Potter;
• Наjблог за мода: Skopje Casual;
• Најреволуционерен блог, социјално и политички ангажиран: Здраворазумен Хејтеризам;
• Најдобар фото-блог: PCK Laboratory;
• Најсмешен блог: Здраворазумен Хејтеризам;
• Најдобар блог во домен на културни работи: Моите патувања;
• Најдобар спортски блог: NBA Macedonia;
• Најдобар ИТ и/или интернет маркетинг блог: Zuberot;
• Најдобар блог за 2013: И ја иам блог;
• Блог-пост на годината: ПРОКЛЕТИ ДА СТЕ! (писмо од дијаспора).

Тwitter награди

• Најдобар твитерџија/ка кој почнал да твита во 2013 година: @TheFitzzz;
• Најдобар твит во 2013: @_Sajsi – „Порано се знаеше бе… ќе се баците и дечко и девојка сте. Сега ќе се утепаат од ебење и уште не им се знае рилејшншип статус.“
• Tвитерџија кој оваа година најмногу напреднал од стартот на неговата твитерџиска кариера: @estavrevska;
• Tвитерџија/ка кој e најкорисен: @VlatkoVasilj;
• Најкомпанија/организација на Twitter: @offnetmk;
• Најтаг за 2013: #најубаво;
• Најдобар аватар(и): @ChaseWork;
• Најдобар твитерџија/ка во #третасмена: @mitkav;
• Најдобра твитерџика:   @_sajsi;
• Најдуховит твитерџија/ка: @Sulimanovic;
• Најактивен твитерџија од дијаспората: @JustPurpling;
• Највлијателен твитерџија/ка: @VlatkoVasilj.

Честитки до победниците! :)