Полека се наближува есента кога треба да го видиме најновиот iPhone, па не е воопшто чудно што има се повеќе шпекулации за датумот, дизајнот и функционалностите на телефонот. Но, меѓу целата галама има и кредибилни вести.
Најновите детали за iPhone 5 доаѓаaт од Wall Street Journal кои велат дека новиот уред на Apple ќе користи in-cell технологија која ќе овозможи телефонот да има потенок екран со подобар квалитет. Овие компоненти веќе се произведуваат во фабриките во Азија.
Технологијата вклучува сензори на допир кои се вградени во LCD екранот, што значи дека нема потреба за слоеви за допир кој е тенок околу 0,5 милиметри, кој се додава на слојот што ја прикажува сликата. Ваквите екрани, се вели, ќе понудат и подобар квалитет на сликата.
Но, потенок екран можеби не значи и дека ќе видиме потенок уред од iPhone 4S кој е тенок само 9,3 милиеметри, туку Apple може да го искористи слободниот простор и да додаде дополнителни компоненти како поголема батерија.
