GG.mk 
Добри вести за сите љубители на видеоигри, по бавното лето се враќа најдобрата емисија за гејминг, GG.MK. Гораст, Данко, Бобо и Дарко откако повежбаа Doom, Tomb Raider, League of Legends, World of Warcraft, Hearthstone и Dark Souls повторни се назад на Twitch.
Отсега содржините може да ги следите и на GG.mk. Сајтот во иднина треба да прерасне во омилената локација на сите гејмери. Се планира продавница, форум, колумни и се разбира содржина. Засега таму може да ги проследите сите емисии и интервјуа. GG се отворени за сите добронамерни забелешки и идеи и може да ги контактирате на Facebook.
„Минатата сезона помина весело и домакински како што и очекувавме. Самосвесно си наложивме нови стандари кои во принцип и се очекуваа и ги исполнивме… во поголема мерка. Досега не гледале 1.616.939 минути на Youtube и уште толку на Twitch. Бројката на прегледи е точно 299,968. Со оглед на тоа дека сме селф-буџет и селф-мотивејтед група и не е толку малку.“, вели Гораст Цветковски.
Оваа сезона емисиите ќе почнуваат еден час порано пред се да им излезат во пресрет на гледачите кои порано легнуваат. Останатото е исто. GG.MK се во живо секој понделник, а првата епизода е на 17. октомври.
Летово го имавме и најголемиот е-спорт успех, а Данко имаше ретка можност да го интервјуира Сакса. Еве што имаат да кажат за Dota 2 International и како го доживеаа ова:
„За жал не бевме заедно физички, но преписката траеше до 5 саат сабајле. Знам дека едвај чекав да дојде пригодно време за да се испојавуеме по комшии и роднини да им го плеснеме у фаца! Се разбира, успехот на Сакса напраи и лоша услуга. Сега сите деца кои треба да учат мислат дека се ПРО гејмери… gg parents!“
Се гледаме во понеделник, а дотогаш GG! ;)
[…] Делев и Илија Кадеев ја започна својата втора сезона. Слично како и нивните колеги од GG.mk, MKD20 подкастот втората сезона ја започнува и со свој […]