Група истражувачи од Универзитетот во Далас во соработка со EnLiSense LLC креираа нов сензор кој може да се користи на паметни часовници, фитнес додатоци, медицинска опрема. Сензорот може да детектира два биомаркери во човечката пот кои покажуваат дали човекот кој гo носи уредот е во рана фаза на грип или COVID-19.
Сензорот може да идентификува два биомаркери, интерферон-гама-индуцирачки протеин (IP-10) и лиганд, кој предизвикува апоптоза, поврзана со фактор на некроза на туморот (TRAIL). Повисоко ниво на овие маркери во потта укажува на она што е познато како цитокинска бура, наплив на проинфламаторни имунолошки протеини генерирани кај сериозните инфекции, пишува News Medical.
„Нашата работа е пионерска бидејќи до денес не беше сигурно дека овие молекули се присутни во потта. Утврдивме дека нашата технологија за пасивно мерење пот во мали количества навистина може да ги измери овие биомаркери“, вели др. Шалини Прасад.
Во иднина овие сензори ќе бидат додадени на различни преносни уреди. Пасивното мерење на биомаркери ќе овозможи брзо известување за инфекции. Овие информации навремено ќе можат да бидат испратени до лекарите кои потоа ќе можат навремено да реагираат, и ако има потреба да одредат терапија.
Паметните часовници и фитнес алки во моментов најчесто се користат како додатоци за фитнес. Сепак додавањето на повеќе различни сензори за следење на клучни показатели за здравствената состојба ќе ги направи уредите значително покорисни. Колку брзо ќе може да ги видиме во употреба засега е нејасно, но секако се надеваме дека нема да треба да помине премногу време.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Нема одговори сè уште.
Loading new replies...
пин
Група истражувачи од Универзитетот во Далас во соработка со EnLiSense LLC креираа нов сензор кој може да се користи на паметни часовници, фитнес додатоци, медицинска опрема. Сензорот може да детектира два биомаркери во човечката пот кои покажуваат дали човекот кој гo носи уредот е во рана фаза на грип или COVID-19.
Прочитај повеќе @ Нов сензор ќе ги направи паметните часовници покорисни ⋆ IT.mk
