После серијата тужби и жалби на судските одлуки за кој е вистинскиот основач на Facebook, браќата Винклвос решија да се свртат кон иднината и да заборават на минатото. Тие на почетокот на годинава основаа фонд за ризичен капитал – Winklevoss Capital, а пред неколку денови инвестираа милиони во стартапот SumZero, кој претставува друштвена мрежа за инвеститори.
Основач на SumZero е Дајви Нарендр, нивен пријател уште од студентските денови во Харвард и трет ко-основач на друштвената мрежа ConnectU која помалку и му беше инспирација на Марк Закерберг да го развие денешниот Facebook.
SumZero е проект започнат уште пред 4 години и моментално има 7.500 корисници, но тоа е бидејќи г. Нерендр лично ги одобрува новите корисници. Негова цел е да направи една елитна друштвена мрежа на инвеститори и кои ќе ги гледаат само најдобрите идеи за инвестирање, планови и стратегии.
