Не секое училиште има „компјутер за секое дете“

во ИТ.МК

Поминаа три години од стартувањето и реализацијата на проектот „Компјутер за секое дете“. Проектот е релативно успешен бидејќи во многу училишта се користат компјутерите. Како и за што, ќе треба да помине време за да се видат резултатите од сегашниве ученици.

Тоа што сега е важно е да се користат компјутерите во сите училишта ширум Македонија, што за жал не е и случајот бидејќи бројни училишта одбиваат да ги користат компјутерите. Според  министерот за образование Панче Кралев, одговорноста за компјутерите, и дали се тие употребуваат, е на грбот на општините и училиштата

„Ние сме постојано заедно со Министерството за информатичко оптество во однос на контрола на училиштата и тоа како опремата се користи и што може да биде направено за да биде во подобра функција. Од страна на владата компјутерите се отстапени на училиштата. Нивна обврска беше да ги стават во функција компјутерите. Тие компјутери ќе ја создадат подлогата за понатамошниот начин на кој ќе се изведува наставата“, вели министерот Кралев.

„Koмпјутер за секој крадец“

Еде од проблемите со проектот „Компјутер за секое дете“ е што училишните компјутери се привлечна мета за крадците. Скоро секој месец има по неколку пријавени кражби на компјутери од училиштата. Кој треба да ги надокнади оштетите ќе зависи од заедничка соработка од училиштата, општините, министерствата и секако МВР. Претходно, побаравме статистички информации од МВР за колку има пријавени случаи на кражба, колку од криминалците се фатени, колку од компјутерите се вратени… Тие информации сè уште не ни се доставени.

Еве листа по хронолошки ред почнувајќи од најновиот датум на кражби на училишни компјутери кои се случија во 2011-та. Линковите се од извештаите објавени во разни медиуми:

  • 19 август – украдени се четири компјутери и плазма монитор од тетовското основно училиште Исмаил Ќемали од село Нараште. Вкупна штета е 72.000 денари.
  • 14 јули – украдени се 33 лаптоп компјутери од основното училиште Владо Тасевски од Скопје. Во веста стои дека „во текот на школската година се украдени над 500 компјутери од училишта, главно од Скопје.
  • 13 јули – украдени 12 компјутери во вредност од околу 3.400 евра од основното училиште Тефејуз од улицата Чаирска, Скопје.
  • 8 јули – Украдени се 19 компјутери од основното училиште Емин Дураку од скопското село Долна Арнакија. Оштетата е 150.000 денари.
  • 11 јули – украдени 24 монитори, осум куќишта од компјутери, 60 тастатури и 60 мауси за компјутери од основното училиште Дитурија од скопското село Грчец.
  • 25 јуни – украдени се 132 лаптоп компјутери од основното учулиште Војдан Чернодрински од Скопје.
  • 05 јуни – украдени се 57 лаптоп компјутери од основното училиште Лазо Трповски во Скопје. Штетата е 855.000 денари.
  • 25 мај – уапсена група провалници за кражба на 19 лаптопи од основното училиште Страшо Пинџур од скопската населба Даме Груев.
  • 20 април – уапсени девет малолетници кои се сомничат за кражба на 70 лаптопи од основното училиште 7 Март од Скопје. 
  • 13 април – украдени 150 детски лаптопи од основното училиште Петар Поп Арсов од скопската населба Карпош. Вработените се жалат дека и пред тоа им биле украдени 84 компјутери.
  • 9 април – украдени 30 лаптопи од основното училиште Наим Фрашери од скопската населба Студеничани. Проценета штета од 4.500 евра.
  • 11 февруари – украдени се 42 лаптопи од ОУ Братство и единство од Скопје.
Добивај известувања
Извести ме за
guest
9 Коментари
Најнови
Најстари Со највеќе гласови
Inline Feedbacks
View all comments
Трајанчо
Трајанчо
11 years ago

Ја гласам прво за тоалети во сите училишта, и вода за пиење. (за скопските деца, појаснување: да, денес во Македонија има училишта каде што нема чиста вода за пиење, или за миење раце). Информатичко општество, што ќе ти вода. Саглам вециња нема ни во скопските школи.

Н2О
Н2О
11 years ago

„…Од страна на владата компјутерите се отстапени на училиштата. Нивна обврска беше да ги стават во функција компјутерите…“, некако не ми изгледа дека си ја завршиле обрската, барем не во руралните средини.

бутле
бутле
11 years ago

Од цела Македониај, во написите се спомнуваат само два града: Скопје и Тетово ???

Крсте
Крсте
11 years ago

Морам да признаам дека изработката на софтверот низ компјутерите беше многу лоша… Ајде бе луѓе едубунту?

Ок да едубунту си е супер, али не вака осакатено и измелезено цело… Според мене кој и да го правеле имејџот завршиле лоша работа.

Секоја чест за заедницата која ја изврши локализацијата на едубунту но се плашам дека сета таа работа и непреспани ноќи ќе замине во јабана…

@_georgij
11 years ago
Reply to  Крсте

добро си е edubuntu-то. но 7.04? дајте бе.

Boris Kuzmanov
11 years ago
Reply to  @_georgij

Тин клиентите не работат на понова верзија. Еден период се пробуваше да се средат за колку е можно понова верзија од 7.04, ама до кај стигнала работата не сум запознаен.

Анонимус
Анонимус
11 years ago

А никој не го спомнува проблемот со неодржливоста на македонската локализција на софтверот што се користи во училиштата. И нормално, си напраија one time бизнис и сега сето тоа што го работеше заедницата 10 години е оставено да пропаѓа поради нив.

Vladimir
Vladimir
11 years ago

Виктор, дали овие делови од твојот текст се објавени во соработка со it.com.mk или од sky.mk своеволно си ги ископирале? http://goo.gl/aDsjz

@ViktrArs
11 years ago
Reply to  Vladimir

Здраво Владимир, јас сум уредникот на IT.com.mk, иако мислам дека со „во соработка со it.com.mk" си мислел на sky.mk. Не, немаме никаква соработка со sky.mk кои го презеле ископирале текстот. Сепак, кратки се пасусите и изјавата на министерот е јавна, така да нема проблем. Овој пат. :P

Во секој случај, благодарам за линкот.