Настан за дизајн на видеоигри во организација на MGI

Avatar img-thumbnail img-circle

во ИТ настани

Одлични вести за сите кои развиваат игри или сакаат да знаат повеќе за гејминг индустријата. Во четврток, 13 јуни со почеток од 18:00 во Base42 ќе се одржи бесплатен настан посветен на развојот на видеоигри.

Настанот е дел од серијата „MGI Meetups“ – предавања посветени на различни сегменти од развојот на видеоигри. Организатор и овој пат е Македонската индустрија за видео игри – МГИ Скопје. Говорниците на настанот ќе зборуваат на теми интересни за сите кои сакаат да се занимаваат со развој на видеоигри.

Base42 е простор во кој се одржа годинешното издание на Global Game Skopje, но и куп други настани. Повеќе за локацијата, и како Base42 стана местото за сите ИТ ентузијасти во Скопје, може да прочитате тука.

Кого ќе може да слушнете на настанот

Ова е втор настан во серијата предавања за видеоигри. Овој пат поддршка доаѓа од Indium Play и Furious Avocado. Фокусот на ова случување ќе биде дизајнирањето на видеоигри и што е работата на дизајнерите на видеоигри. Настанот ќе трае околу 2 часа, а говорници ќе бидат: Никола Месаровиќ, Game Designer во Demagog Studios; Никола Шошкиќ, основач и Game Designer во Shosha Games; и како домаќин – Наум Михајловски, соосновач и извршен директор на Furious Avocado.

„Што е Гејм Дизајн?

Game Design не е програмирање, арт, моделирање или ригување. Гејм дизајнерот не треба да владее Blender, ZBrush, 3ds Max, Maya,… Unity, Unreal Engine, SketchUp, Houdini,…

Game Design е креирање и моделирање на механики, системи и правила на играта. Осмислување на гејмплејот, бесконечно пишување концепти во Word (или бесплатна алтернатива) и табели. Практично, раѓањето на играта!“

Наум Михајловски, Никола Месаровиќ и Никола Шошкиќ ќе зборуваат на неколку интересни теми:

  • Дизајнирање „hypercasual“
  • Десет работи кои би ги променил во својата прва игра
  • Како успешно да продолжите да паѓате, дизајнирање на независни видеоигри

Покрај предавањата посетителите ќе може да постават и прашања, а по настанот е предвидено и време за запознавање, дружење и вмрежување.

Влезот на предавањата е бесплатен, но организаторот има отворена регистрација за сите кои сакаат да го посетат настанот. Регистрацијата е пожелна, но не е задолжителна.

Повеќе информации може да прочитате на страницата на Македонската индустрија за видео игри.

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Добивај известувања
Извести ме за
guest
0 Коментари
Inline Feedbacks
View all comments
види ги сите огласи на kariera.it.mk