Најдобар слободен софтвер во 2021 година

Се приближува крајот на 2021-ва година, во сегментите на комерцијален софтвер има прилично познати и глобални играчи кои доминираат, меѓутоа зголемениот број хакирања, нарушувања на приватност, па дури и константното покачување на цени, многу корисници ги натера да бараат алтернативи во софтверот со отворен код (анг. open-source). Во оваа прилика, решивме да издвоиме пет софтверски решенија кои неуморно го издржуваат тестот на времето и продолжуваат да се број еден дестинација за повеќето корисници кои практикуваат слободен софтвер.


Уредување видеа – Shotcut

По првпат за Shotcut пишувавме во 2018 година, за да одново му се навратиме и во 2020 година и да ги пофалиме значително проширените можности на овој можен уредник на видео материјали. Овој пакет од алатки и понатаму продолжува да биде апсолутен шампион за едноставно вметнување видеа, отстранување несакани делови, и широка понуда од моќни аудио и видео филтри, сè по цена од 0 денари!

Прелистување – Brave

Brave е на нашиот нишан уште од 2016 година. Заснован на Chromium, овој прелистувач за интернет ја штити вашата приватност така што автоматски деактивира тракери и огласи, а нуди и целосна интеграција со Тор. Преку Brave можете без проблем да активирате и користите какви било екстензии од Google Chrome продавницата, а доколку гледате одредени реклами добивате таканаречени Basic Attention Token, што всушност се крипто токени.

Канцелариски програми – LibreOffice

Во 2017 година, го поставивме тешкото прашање за тоа кои се најдобрите алтернативи на Microsoft Office. И тогаш, а и сега, имаме само пофални зборови за овој пакет од канцелариски алатки. Нудејќи целосна поддршка за документи, табеларни прикази, презентации, датабази, дијаграми и многу повеќе, навистина нема потреба да одите со некое комерцијално решение.

Чување лозинки – KeePass

Летово, зборувавме и за тоа колку е исклучително важно да се чуваат лозинките на правилен начин, истакнувајќи ги, притоа, потенцијалите на алатката KeePass. Доколку имате бројни акаунти и еден куп тешки лозинки за паметење, KeePass е управител кој не ги чува лозинките онлајн, туку ги складира во датабаза која е во вашиот компјутер.

Управување со фотографии – GIMP

Кога во 2019 година размислувавме за тоа кои се најдобри начини за отстранување флеки и дамки од фотографии, како првата апликација на која нѝ текна беше Gimp. Оваа моќна алатка за уредување фотографии, седи самоуверено на тронот уште од далечната 1996 година и постојано се надградува од заедницата со лепеза од корисни опции. На располагање имате вградена поддршка за слоеви, филтри и автоматско подобрување на фотографиите.

Ги користите ли алатките кои ги споменавме погоре? Мора да ја пропуштивме вашата омилена, кажете нѝ ја во коментарите!

Добивај известувања
Извести ме за
guest
4 Коментари
Најнови
Најстари Со највеќе гласови
Inline Feedbacks
View all comments
trackback
trackback
7 hours ago
trackback
9 hours ago

triple diamond slots https://freeonlneslotmachine.com/

goramn
goramn
1 month ago

Наредно: „Најдобар слободен софтвер за Андроид и Ајоес во 2021ва“. :)