Скоро 40 отсто од Facebook корисниците ја посетуваат мрежата преку мобилен телефон, се вели во анализата на Бенедикт Еванс oд Ender Analysis.
Според неговите бројки, најголем дел од посетите доаѓа од iOS и Android уредите. Facebook за Android неодамна ја претрка верзијата за iOS во поглед на корисници кои се логираат дневно, скоро 58 милиони корисници дневно го посетуваат Facebook преку Android, но Facebook за iOS сè уште е пред Android за месечни посети, односно има над 99.1 милиони корисници кои се логираат на друштвената мрежа преку iPhone, iPod и iPad. Што се однесува на последниве три платформи, Facebook објави 4.1 верзија со Timeline за iPhone и iPod, и најави дека наскоро ќе видиме и iPad верзија со Timeline. Android веќе ја има верзијата со Timeline.
Според мобилните посети на Facebook, трета платформа која се користи е BlackBerry, па Symbian и Windows Phone 7. Последниве две ќе си го заменат местото, бидејќи Symbian умира, а уредите на Nokia ќе работат на WP7.
„Но најважната работа околу оваа табела е дека има вкупно – 300 милиони мобилни корисници на апликациајта. Ова е повеќе и од вкупниот број на корисници Apple и Android, секој од нив имаат околу 225 милиони активни мобилни корисници.“, вели г. Еванс.
Тоа што недостува во статистиките е колку корисници на Facebook се логираат на мрежата само преку мобилни телефони, ако има воопшто такви корисници.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
