Заедничко уредување во реално време не е ништо ново во веб просторот, но тоа во моментот е возможно само на неколку сервиси кои се специјализирани за тоа, како на пример Google Docs или Zoho. Но, Mozilla сака да ја направи соработката достапни за сите со својата нова JavaScript библиотека, TogetherJS. Се работи за HTML5 базирана алатка за заедничко уредување која искуството од Google Drive може да го примени на било која веб страница.
Покрај можноста за заедничко уредување на елементите на одредена веб страница, TogetherJS овозможува и алатка за комуникација која им овозможува на партиципантите да комуницираат преку текст и аудио. Начинот на кој можете да ја имплементирате оваа алатка во вашиот веб проект можете да го прочитате овде, додека во продолжение е листа на сите можности што ги нуди TogetherJS.
- Следење на движењето на курсурот на останатите членови;
- Следење на тоа кои страници ги посетува одреден корисник (страници на моменталниот веб-сајт, не тоа што тој го посетува во прелистувачот);
- Текст чет;
- Аудио чет преку WebRTC;
- Синхронизација со полиња на форми (текст полиња, полиња за селектирање и сл.);
- Пуштање/паузирање/следење на видеа;
- Продолжување на сесиите низ повеќе внатрешни страници на страницата.
[youtube]hJEq4W0FZQ0[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
