Mitsubishi I-Miev е првиот електричен автомобил кој се продава во Македонија

во ИТ.МК

Малиот Mitsubishi I-Miev е првиот електричен автомобил кој ќе се продава во Македонија. Мак Аутостарт го презентираше автомобилот кој чини 26.000 евра и има електричен мотор, односно литиум-јонска батерија која се полни за шест часа преку обичен eлектричен приклучок. Со полна батерија I-Miev може да помине над 100 километри, а максималната брзина му е 130 километри на час.

„На овој начин, овозможуваме да бидеме дел од глобалниот тренд за воведување на нови, напредни возила, кои од пред некој некоја година се означуваа како футуристички, а денес се реалност“, вели маркетинг директорот на Мак Аутостар, Владица Кокаловиќ.

Предводени од Tesla Model S, електричните автомобили се хит во светот бидејќи се еколошки, со помала бучава, и пред се се економични – i-Miev наводно троши едно евро на стотина километри. Некои земји веќе воведоа субвенции за електричните автомобили како стимул за луѓето да ги купат и да го намалат загадувањето. Добар пример е Норвешка во која за електрично возило не се плаќа патарина, ниту паркинг. Во Македонија се уште нема такви поволности за електричните автомобили, за кои сепак треба уште малку време за да станат популарни во земјава. Најголем проблем не е батеријата, туку високата цена.

Добивај известувања
Извести ме за
guest
1 Коментар
Најнови
Најстари Со највеќе гласови
Inline Feedbacks
View all comments
Aleksandar
Aleksandar
7 years ago

Super sto pocnavme i nie ao elektricni vozila, no sum razocaran od cenata. 26000e e premnogu. Istoto vozilo vo USA se prodava za 23000 dolari sto e odprilika 20000e, i dopolnitelno nekoi drzavi vo amerika se otkazuvaat od danokot i gi subvencioniraat elektricnite vozila. Taka Kalifornia davaat 7500 dolari subvencija sto znaci istata kola moze da se kupi za 16000 dolari ili nekade okolu 14000e.