{mosimage}Во тест верзиите од својот оперативен систем Windows 7, според бета тестерите кои ги пробале последните надоградби, Microsoft има додадено опција за исклучување на интернет прелистувачот Internet Explorer 8. Имено, надоградбата 7048 за Windows 7 содржи опција Internet Explorer како една од компонентите на Windows, да може да биде исклучен преку пакетот “Windows Features”. Контролниот панел постои во јавната бета верзија на Windows 7, но IE8 не е во листата на опции кои можат да бидат уклучувани и исклучувани.
Постапката за исклучување на Internet Explorer од Windows 7 бара системот двапати да биде рестартиран и чекор за конфигурирање и комплетирање на постапката. Еве подетално како може Internet Explorer да биде исклучен од Windows 7:
1. Влезете во Control Panel, потоа во All Control Panel Options
2. Кликнете на Programs and Features
3. На левото странично мени, кликнете на Turn Windows Features On or Off
4. Почекајте да се вчита листата
5. Побарајте го Internet Explorer 8 во листата и одштиклирајте го
6. Кликнете OK. Потоа ќе видите прозорец кој ќе ве извести за рестарт на системот
7. Системот ќе се рестартира еднаш, ќе изврши одредени конфигурации и ќе се рестартира уште еднаш.
По комплетирањето на вториот рестарт компонентите на Internet Explorer 8 сеуште се присутни во Windows. Главните промени се состојат во тоа што IE8 ќе го нема во “Set Program Defaults,” Windows нема "да се жали" за тоа што го нема IE8, и iexplore.exe веќе нема да го има во директориумот на Internet Explorer, иако фолдерот сеуште и натаму ќе си постои.
{mosimage}
Microsoft планира да направи околу 30 измени во Windows 7 во процесот на преминување од бета фаза во „јавна фаза“, но овие измени со IE не беа претходно најавени на блогот на Microsoft.
Од Microsoft одбиваат да го коментираат додавањето на оваа опција како и причините за ваквиот потег. Најверојатно ова е последица од забелешките на Европската комисија околу вклучувањето на интернет прелистувачот во самиот оперативен систем Windows. Европската комисија го предупреди Microsoft дека треба да им дозволи на потрошувачите кои кога ќе купат нов компјутер, сами да можат да одлучат кој интернет прелистувач ќе го користат, а потоа побара Microsoft да овозможи IE да може да биде исклучен доколку корисникот се одлучи за друг интернет прелистувач.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
