Microsoft пронајде неколку нови веб страници креирани од озогласената руска хакерска група „Fancy Bear“. Компанијата успешно успеа да преземе контрола над шест интернет домени креирани од оваа група која се поврзува и со властите во Москва, вели Microsoft.
„Овој пристап досега сме го користеле 12 пати во период од 2 години, и затворивме 84 лажни веб сајтови на оваа група. Напаѓачите сакаат нивните напади да изгледаат автентично и затоа и креираат сајтови и url-а кои се копија на сајтовите на нивните жртви.“
Акцијата со која се отстранети овие сајтови е дел од Defending Democracy Program на Microsoft. За жал, Microsoft предупредува дека групата најверојатно ќе продолжи со праксата во пресрет на изборите во ноември.
Интересно, овој пат цел на нападите немаше да бидат демократите, туку републиканците. Цел на нападот се Hudson Institute и International Republican Institute, јави New York Times.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
