Microsoft ја најави надоградбата на своето веб складиште SkyDrive кое сега може да достигне до 100 GB простор. Оваа најава доаѓа во период во кој се очекува да се појави Google Drive.
Новиот SkyDrive доаѓа со 7 GB простор, кој за 10 или 50 долари може да се надогради на 20, односно 100 GB. Бесплатниот лимит од 7 GB e всушност намален од 25 GB бидејќи Microsoft вели дека само 0,06 отсто од корисниците користеле повеќе простор, па бесплатниот лимит ќе биде доволен.
Сега има и SkyDrive aпликации кои се интегрирани во Windows (тука ќе видите и за Windows 8) и во Mac компјутерите на Apple. Апликациите функционираат налик на Dropbox, односно постои фолдер преку кој се закачуваат и синхронизираат фајловите и во веб складиштето. Дополнително, додадена е опција за далечински пристап на фајлови и стримање на видео од поврзан PC. Пример, може да ви биде корисно ако сте заборавиле фајл на домашен компјутер.
Надградени се и апликациите за пристап на фајловите преку iPad, iPhone и Windows Phone, преку кои сега може да се бришат и преименуваат фајлови. За Android Microsoft ги препорачува следиве апликации од трети развивачи.
