Македонските граѓани наскоро ќе можат да плаќаат одредени услуги преку мобилен телефон, интернет или кабелски оператор, најави Министерството за финансии. Промените се предвидени во измените на Законот за платен промет, кои ќе дозволат мобилните оператори да постават терминали каде што се вршат одредени услуги, преку кои ќе може да се наплати со мобилен телефон, наместо со кредитна картичка.
„Со приложување на мобилниот телефон на тие терминали, исто како што со кредитна картичка се врши плаќањето да се активира вашата сметка на мобилниот телефон со внесување пин да се плати сметката. Потоа на крајот на месецот трошокот ќе биде вклучен во фактурата која ќе ви ја достави мобилниот оператор.“, објаснува министерот за финансии Зоран Ставрески.
Според министерот ова ќе придонесе за зголемена конкуренција во платниот промет, намалување на провизиите и олеснување на граѓаните од аспект на тоа кога треба да платат некоја услуга да имаат повеќе опции на располагање. Но, министерот не спомена дали тие терминали ќе бидат со NFC технологија, што е важно бидејќи за да се користат ќе треба граѓаните да имаат и паметни телефони кои поддржуваат NFC технологија.
Oвие услуги ќе бидат ограничени на поединечен износ до 1.000 денари, односно вкупно 6.000 денари во текот на месецот.
Нема точен датум кога ќе биде достапно плаќањето преку мобилен, бидејќи треба операторите и оној што ја дава услугата да склучат договор и да се исполнат критериумите за вршење на платениот промен на Народна банка, која ќе треба да им даде одобрение на операторите.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Чудна ми чуда, т-мобиле скоро една деценија нуди слична ваква услуга, http://www.t-mobile.com.mk/public/mobilno-plakjan…
Порано се викаше "Моби плаќање", http://web.archive.org/web/20040726002056/http://…
Ма какво плаќање по телефони какви глупости бе, сакаме пејпал!
Ne e poentata vo proviziite, zatoa sto niedna banka ne zema provizija za smetki od komunalni uslugi. Poentata e deka operatorite se alchni i sakaat na mala vrata da vlezat vo bankarskiot biznis. Sekade vo svetot, ne samo kaj nas.
Ova e samo prodolzenie na idejata “virtuelni pari”
R