И оваа година по 11ти пат на 14ти октомври се одржа глобалниот 24-часовен (хакатон) натпревар во програмирање IEEEXtreme, со рекорден број на тимови – 3300 тимови. Од Македонија земаа учество 12 студенти, односно 4 тима од Факултетот за информатички науки и компјутерско инженерство и се пласираа во Топ100 во светот и Топ10 во Европа.
Тимот „Meme“ составен од Васја Павлов, Давид Симеоновски и Стојан Илиески се пласираа на 30то место на глобално ниво и 8мо место во Европа, тимот „CodeMac“ составен од Божидар Стевановски, Кристијан Постолов и Ѓорѓи Јанчески се пласираа на 92ро место на глобално ниво и 28мо место во Европа, тимот „Kremenadla“ составен од Горјан Поповски, Никола Анастасовски и Марио Величковски се пласираа на 182 место на глобално ниво и 63 место во Европа, и последниот тим „TheCerealKillers“ составен од Иван Неделковски, Александар Стојановиќ и Марија Трајкова се пласираа на 909 место на глобално ниво и 327 место во Европа.
Од вкупно 3300 тимови (2,516 тима кои се пласираа) ова се одлични резултати за Македонија и Факултетот за информатички науки и компјутерско инженерство, како и за Македонската IEEE секција.
Натпреварот беше во организација на Компјутерскиот оддел при Македонската секција на IEEE, а поддржан од страна на Netcetera (воедно и домаќин на натпреварот), NI TEKNA, RedBull и Факултетот за информатички науки и компјутерско инженерство.
Погледнете ги официјалните резултати.
